Zeure lekuan zeundela sentitzeari
utzi zenion eguna bilatzen duzu
oroimenaren orrietan.
Lehiotik urrundu behar izan zenuen
egun hura agian,
(mimosa, hor)
besteen pausoa zeure oinekin
eman zenuenekoa apika,
(haserrea borbor)
geutik nien baturara
igarotzen ari zinetela
larruazalak esan zizunean,
beharbada.
Atzera begiratzean,
ikusi duzu:
zeure itzal
bilakatu zara.
Argizpirik sartzen ez den
leizean, itzal.